LuLu BB Skin Story~ 相信永久激光脫毛 試做分享 免費體驗

直到依家，醫學美容機構仍然無監管，反觀新加坡早已訂出美容療程黑名單，香港仍然無動於衷。即使是DR美容集團出了大事，事件亦只例作「求警協助」案，政府至今仍未就美容業界具體執法，亦無設立「冷靜期」機制，令美容黑店無處不在！坊間美容陷阱處處，明明同一個療程，點解有美容中心收幾萬蚊，但有美容中心（尤其係標榜上市的）平宜到可以免費試做? 你以為唔帶信用卡、唔帶錢去試做就可以萬無一失? 其實依家很多黑店都已經進化咗，唔會明刀明槍迫你消費，而係陰啲陰啲令你防不勝防。呢篇文章就係要為大家大揭祕，讓大家看清楚平價醫學美容的陰招，分別佢哋手法的高低，令大家好防範。

平嘢先係好? 踢爆平價美容陰招

唔好以為你是專業人士就唔會中招，美容陷阱防不勝防，無論你是專業人士、師奶、學生甚至教授，基本上人人都有機會中招！而十個有九個中招的原因，就是貪平!!! 貪平!!! 貪平!!! （重要的事要講三次）現時，坊間很多美容中心都會用一啲好平，平到唔合理的優惠價甚至係免費吸引你上去，又會很多時候送名牌禮品，好似YSL唇膏、雪花秀等等，上到去未必即時sell，等你換完衫做完Treatment覺得感覺幾好先慢慢sell。有些仲過份到中秋送月餅引客上門做Facial（見下圖），佢哋點回本? 成本當然係轉價返喺消費者身上，到你做完Facial再勸你買 “適合你的” 美容套票，或叫你Upgrade另一部機 “效果更好”。

唔好以為你是專業人士就唔會中招，美容陷阱防不勝防，無論你是專業人士、師奶、學生甚至教授，基本上人人都有機會中招！而十個有九個中招的原因，就是貪平!!! 貪平!!! 貪平!!! （重要的事要講三次）現時，坊間很多美容中心都會用一啲好平，平到唔合理的優惠價甚至係免費吸引你上去，又會很多時候送名牌禮品，好似YSL唇膏、雪花秀等等，上到去未必即時sell，等你換完衫做完Treatment覺得感覺幾好先慢慢sell。有些仲過份到中秋送月餅引客上門做Facial（見下圖），佢哋點回本? 成本當然係轉價返喺消費者身上，到你做完Facial再勸你買 “適合你的” 美容套票，或叫你Upgrade另一部機 “效果更好”。

 

Hardsell已Out! 溫水煮青蛙更防不勝防

氹你落疊都分高手同低手，低手係指上面的Hardsell形式，以Promotion吸引你上去再狂Sell；高手則是溫水煮青蛙，頭幾次去好好服務，到你簽完卡就變臉! 有些是越來越Sell令你越買越多，甚至可以令你唔醒覺被人Sell緊，對方只是對 “真心” 為你好，介紹其他 “適合你的” Treatment，慢慢令不自覺你中招。有些甚至連Booking都約唔到，次次去到都話壞機要你做另一些療程，令你迫於無奈接受。有些極端的Case更是被人打到爛面，美容師態度勁惡劣同勁冇禮貌，對消費者做成心理同生理摧殘，過程完全唔享受！
 

爛面Case

 

而且，好多標榜平的美容中心無論用料、治療師質數等都唔達標！用料同手法上嘅嘢係肉眼見唔到，無得避，所以先係最恐怖。例如：

－ 將Cooling Gel換成蘆薈Gel

－ 做Facial導入都係用IPL Gel溝水，俗稱嘅萬能Gel，用凍或者熱嘅機碌下碌下就當做咗

－ 被打斑被打到反黑又無事後跟進

－ Botox溝鹽水

－ 用具唔清潔 （水光槍頭唔清潔有血水照用，剃刀有上手個客啲毛照畀人用等等）。

 

不要以為自己夠醒目咩都避到，是但中一樣都要睇醫生！

 

但無論點都好，美容黑店都係恐怖份子，要避，就係唔可以貪平，要堅信世上無免費午餐！

 

避唔開，就搵有信譽口碑的美容中心

有口碑的醫美療程的公司唔多，佢哋通常比較貴，少有Promotion，賣點是安全、專業同有效果。通常他們都會以下特點：

1. 少有PROMOTION：皆因專業有價有成本，所以很少做推廣，全部明碼實價，客源主要靠口碑和熟客Referral，不會有枱底暗盤價。個人所知，Cosmax 同 CLINICZ 無聽過話Hardsell，風評幾好。 2. 專注做1至2種療程：不會咩機都有，感覺較專業，所以不用擔心會亂塞療程要你買。通常要大集團先可以做到咁專，例如 CLINICZ 水原共生、Reenex 膠原自生，做脫毛嘅 Medilase 同埋Dermes等都算專注公司。 越係多療程賣嘅公司或集團，就越多機會令你中招。 總括來講，要搵間好嘅醫學美容中心，仲要識睇網上同Facebook嘅Comment，避開有負評或嬲嬲Emoji的公司，才是真正安全。去醫學美容中心前做足功課，不要淨睇價錢，先可做個精明消費者同避免受騙。再細提一句，一個令你安心享受的療程才算好療程，凡事要以物有所值來衡量才算是精明。 大家不妨可以上Google 打以下關鍵字，就可以睇到網上最Update嘅評價做參考勒。
激光脫毛邊間好
激光脫毛黑店
醫學美容邊間好

 

或者有啲FB Page，專門爆醫學美容黑店，都值得參考：

黑店美容院

黑店睇真D
黑店名單

延伸閱讀:

10 大美容黑店投訴個案大踢爆